Tehran ABŞ-nin hücumu ilə bağlı sərt bəyanat yaydı
“ABŞ hərbçiləri İrana hücum halında ailələri ilə vidalaşmalıdırlar”.
TodayPress TV xəbər verir ki, bu fikirləri İran İslam Respublikası parlamentinin Milli Təhlükəsizlik və Xarici Siyasət Komitəsinin rəhbəri İbrahim Əzizi sosial mediada yazıb.
"Ümid edirəm ki, Amerika yanlış hesablamalara əsaslanaraq səhv edərsə, bölgədəki əsgərləri ailələri ilə vidalaşacaq", - deyə o qeyd edib.
Xatırladaq ki, yanvarın 21-də Tehran mümkün Amerika hücumları səbəbindən hava məkanını müvəqqəti olaraq bağlayıb. ABŞ lideri Donald Tramp isə yerli təhlükəsizlik qüvvələrinə etirazçılara atəş açmaq əmri veriləcəyi təqdirdə İrana zərbə endirəcəyi ilə hədələmişdi.
Bundan əlavə, İslam Respublikası özü hazırda qabaqlayıcı tədbirlər görmək niyyətində olmadığını və danışıqlara sadiq olduğunu, lakin lazım gələrsə müharibəyə tam hazır olduğunu bildirib.
Aysel Mətləb
