Tacikistan-Əfqanıstan sərhədində atışma: iki zabit həlak oldu
Tacikistan hakimiyyəti Əfqanıstanla sərhəddə baş verən atışmada iki sərhədçinin öldüyünü təsdiqləyib.
TodayPress TV Qırğızıstan KİV-ə istinadən xəbər verir ki, hadisə 24 dekabr gecəsi Şəmsiddin Şoxin rayonundakı Sarçaşma sərhəd dəstəsinin 5 nömrəli "Boq" zastavasında baş verib.
Əfqanıstandan sərhədi keçən üç silahlı şəxs sərhədçilərlə toqquşma zamanı zərərsizləşdirilib.
Hadisə yerində odlu silahlar, qumbaralar, partlayıcı maddələr və sursatlar müsadirə edilib.
Tacikistan hökuməti Kabildən üzr istəməyi və sərhəd təhlükəsizliyinin gücləndirilməsini tələb edib.
Jalə Rövşən
