Siyarto: “Macarıstanın kifayət qədər neft ehtiyatı var"
“Macarıstanın enerji təchizatı Ukraynanın təhdidi səbəbindən təhlükə altında deyil, onun neft ehtiyatları üç aydan çox davam edəcək”.
TodayPress TV xəbər verir ki, bu fikirləri Macarıstanın xarici işlər naziri Peter Siyarto Budapeştdə keçirilən mətbuat konfransında bildirib.
Nazir qeyd edib ki, hökumətin tədbirləri nəticəsində Macarıstana yanacaq və enerji təchizatı sabit qalır:
“Nə yanacaq, nə də enerji təchizatı təhlükə altındadır. Üç aydan çox davam edəcək qədər ehtiyatımız var və onlardan bəzilərinin istifadəsi ilə bağlı qərar qəbuletmə prosesi artıq başlayıb”.
Aysel Mətləb
