Sançes korrupsiya qalmaqalından sonra partiyada islahat aparacaq
İspaniyanın Baş naziri Pedro Sançes iyunun 12-də keçirilən mətbuat konfransında erkən parlament seçkilərinin keçirilməsi tələblərini rədd edib, lakin Sosialist İşçi Partiyasında (PSOE) korrupsiya qalmaqalına görə ciddi struktur islahatları və xarici araşdırma aparılacağını bəyan edib.
TodayPress TV xəbər verir ki, bu barədə "Reuters" məlumat yayıb.
Sançes televiziyada yayımlanan çıxışında ispan xalqından üzr istəyib və korrupsiyada adı hallanan partiyanın yüksək rütbəli üzvü Santos Serdanla bağlı “ona heç vaxt etibar etməməli idim” deyib. O, partiyada korrupsiyaya qarşı “qəti və dəyişməz” mövqe tutacağını vəd edib.
Töhfə Səməd
