Saç əkdirən şəxs öldü
Britaniya vətəndaşı Türkiyədə saç əkdirəndən və diş müalicəsi aldıqdan sonra dünyasını dəyişib. Hadisə noyabrın 11-də İstanbulda baş verib.
TodayPress TV xəbər verir ki, bu barədə "Daily Mail" məlumat yayıb.
36 yaşlı turist bir həftə əvvəl saç transplantasiyası, ertəsi gün isə diş həkimi qəbulu üçün şəhərə gəlib. Tibbi müdaxilələrdən sonra o, qaldığı otel otağına qayıdıb və orada huşunu itirib. Təcili yardım onu xəstəxanaya aparsa da, həkimlər həyatını xilas edə bilməyiblər.
Meyit yarılma üçün Məhkəmə Tibb İnstitutuna göndərilib. Ölüm səbəbi hələ açıqlanmayıb, araşdırma davam edir.
Türkan İsgəndərli
