Rusiya Türkiyəyə təşəkkür etdi
Rusiya prezidentinin mətbuat katibi Dmitri Peskov Moskvada jurnalistlərin suallarını cavablandırarkən Türkiyəyə təşəkkür edib.
TodayPress TV xəbər verir ki, bu barədə “TRT Haber” məlumat yayıb.
O, Rusiya ilə Ukrayna arasında keçirilən birbaşa danışıqlara dair bəyanatla çıxış edib. Qeyd edib ki, tərəflər arasında baş tutan danışıqlara Türkiyənin ev sahibliyi etməsi bütün iştirakçıların razılığı ilə həyata keçirilib.
“Biz Türkiyə rəhbərliyinə bu məsələnin həlli istiqamətində göstərdikləri təşəbbüslərə görə minnətdarıq. Eyni zamanda, danışıqlar üçün yaradılan şəraitə görə də Türkiyə hökumətinə təşəkkür edirik”, - deyə o əlavə edib.
Aysel Mətləb
