Rusiya İrandan zənginləşdirilmiş uran çıxaracaq?
“Moskva Tehranın nüvə proqramı ilə bağlı beynəlxalq gərginliyin azaldılması tədbirlərinin bir hissəsi olaraq İrandan Rusiyaya zənginləşdirilmiş uranın daşınması imkanını nəzərdən keçirməyə hazırdır”.
TodayPress TV xəbər verir ki, bunu Rusiya Prezidentinin mətbuat katibi Dmitri Peskov brifinq zamanı deyib.
"Bu mövzu çoxdan gündəmdə olub və Rusiya uzun müddətdir ki, bu xidmətləri bir sıra ölkələr üçün müəyyən qıcıqlandırıcıların aradan qaldırılmasına gətirib çıxaracaq mümkün bir seçim kimi təklif edir", - deyə Peskov bildirib.
O, Rusiyanın Tehran və Vaşinqton da daxil olmaqla bütün maraqlı tərəflərlə məsləhətləşmələri davam etdirdiyini və gərginliyin azaldılmasına kömək etməyə hazır olduğunu vurğulayıb.
Aysel Mətləb
