Rumıniya Rusiya təhdidinə qarşı mübarizəni gücləndirir
İtaliya Rusiya tərəfindən gələn təhdidlərə qarşı mübarizə hazırlığı keçmək məqsədilə Rumıniyaya təxminən 100 əsgər və bir neçə qırıcı təyyarə göndərir.
TodayPress TV xəbər verir ki, bu barədə "La Repubblica" nəşri məlumat yayıb.
Nəşrin məlumatına görə, missiya əvvəlcədən planlaşdırılsa da, mayın 29-da Rusiyaya məxsus pilotsuz uçuş aparatının (PUA) Qalats şəhərinə düşməsi hadisəsi onun başlamasını sürətləndirib.
Hökumətdəki mənbələrin bildirdiyinə görə, hazırkı əməliyyat NATO-nun adi hava patrul missiyasından fərqlənəcək. Əməliyyat Mixail Koqelniçanu adına aviabazada həyata keçiriləcək və təxminən bir ay davam edəcək.
İtaliya qoşunlarının iyunun 15-də gəlişi gözlənilir. Konstansadakı hərbi bazada yerləşəcək əsgərlər rumıniyalı həmkarlarına dronları vurmağın yollarını öyrədəcəklər.
Missiyanı qırıcı təyyarələr müşayiət edəcək, lakin digər uçuş aparatlarının, xüsusən də digər pilotsuz təyyarələri vurmaq üçün nəzərdə tutulmuş PUA-ların cəlb olunması da istisna edilmir.
Aysel Mətləb
