Rays: "Münaqişədə dönüş nöqtəsi yaxınlaşır"
Ukrayna ilə bağlı hərbi əməliyyatların 50 gün ərzində dayandırılması ultimatumu münaqişədə dönüş nöqtəsi ola bilər.
TodayPress TV xəbər verir ki, bunu ABŞ-nin keçmiş dövlət katibi Kondoliza Rays bildirib.
“Məncə, Ukrayna xalqına deyə biləcəyimiz yaxşı xəbər odur ki, ABŞ və Avropa nəhayət konsensusa gəliblər. Rusiya lideri Vladimir Putini sözlərlə dayandırmaq olmaz”, – deyə Rays vurğulayıb.
Onun fikrincə, Rusiya prezidenti yalnız qalib gəlməyin mümkün olmadığını anlayanda dayana bilər.
Qeyd edək ki, iyulun 14-də ABŞ prezidenti Donald Tramp 50 gün ərzində Ukrayna münaqişəsi ilə bağlı sülh razılaşması əldə olunmasa, Rusiya və onun ticarət tərəfdaşlarına qarşı 100 faizlik gömrük rüsumları tətbiq edəcəyi ilə hədələyib.
Türkan İsgəndərli
