Qara dənizdən Xəzər dənizinə böyük dəyişikliklər baş verəcək: Gözlər Avropada
Son günlər Bakıda hava yay fəslinə xas deyil. Temperatur mövsüm normasından aşağıdır.
Bu isə bir çoxlarında sual yaradır, görəsən nə baş verir?
TodayPress TV xəbər verir ki, bu barədə jurnalist Ülfan İsmayılov yazı paylaşıb.
Belə ki, onun sözlərinə görə, "Reuters" agentliyi hər gün yenilənən iqlim xəritəsi hazırlayıb.
Xəritədə Yer kürəsi təxminən 1 milyon kiçik kvadrata bölünüb və hər bir nöqtədə həmin günün maksimum temperaturu ilə uzunmüddətli orta göstərici arasındakı fərq rənglərlə əks etdirilir.
Xəritə göstərir ki, Avropanın böyük hissəsi rekord isti hava dalğası ilə üzləşdiyi halda, Qara və Xəzər dənizləri arasındakı bölgə, eləcə də Mərkəzi Asiyanın bəzi hissələrində son günlər temperatur iqlim normasından aşağı olub. Bununla belə, mütəxəssislər belə dəyişikliklərin müvəqqəti xarakter daşıya biləcəyini qeyd edirlər.
Türkan İsgəndərli
PHOTOS
