Putin 2022-ci ilin sirrini açdı: Danışıqlar niyə İstanbulda aparıldı?
Rusiya Prezidenti Vladimir Putin bildirib ki, 2022-ci ildə Rusiya ilə Ukrayna arasında aparılan danışıqlar Ukrayna tərəfinin xahişi ilə İstanbula köçürülüb.
TodayPress TV xəbər verir ki, danışıqlar əvvəlcə Belarusda başlayıb, daha sonra isə Ukrayna tərəfinin təklifi ilə İstanbulda davam etdirilib.
Rusiya lideri həmçinin gələcəkdə Ukrayna ilə bağlı yeni danışıqların yenidən Belarusda keçirilməsi ehtimalını istisna etmədiyini bildirib. O əlavə edib ki, hazırda bu istiqamətdə bir neçə yeni təklif mövcuddur.
Bundan əvvəl, iyunun 23-də Vladimir Putin Rusiyanın Ukrayna ilə sülh danışıqlarına hazır olduğunu bəyan etmişdi.
Həmin gün Ukraynanın Birləşmiş Millətlər Təşkilatı yanında daimi nümayəndəsi Andrey Melnik də ölkəsinin atəşkəs və davamlı sülh naminə Rusiya ilə birbaşa danışıqlara hazır olduğunu bildirib. Onun sözlərinə görə, Kiyev dialoq üçün açıqdır, lakin bu vəziyyətin uzun müddət davam etməyəcəyini də vurğulayıb.
Türkan İsgəndərli
