“Porsche” minlərlə avtomobili geri çağırır
Alman avtomobil istehsalçısı “Porsche” arxa görüntü kamerasında yaranan problem səbəbindən 173 500 avtomobili geri çağıracaq.
TodayPress TV xəbər verir ki, bu barədə NHTSA məlumat yayıb.
Bildirilib ki, sözügedən nasazlıq arxa görüntü kamerasının təsvirinin ekranda əks olunmaması ilə bağlıdır. Geri çağırılma 2024–2025-ci il istehsalı olan “Cayenne”, “Cayenne E-Hybrid”, “911”, “Taycan” və “Panamera” modellərinə, həmçinin 2025-ci il buraxılışı olan “Panamera E-Hybrid” modelinə şamil edilir.
Nəqliyyat vasitələri federal təhlükəsizlik standartlarına cavab vermir.
Məlumata görə, dilerlər problemli avtomobillərin proqram təminatını pulsuz olaraq yeniləyəcəklər.
