Paşinyan parlament seçkiləri ilə bağlı vəd verdi
“Ermənistanın Baş naziri Nikol Paşinyan 2026-cı ilin iyun ayında keçiriləcək parlament seçkilərinin azad, ədalətli və demokratik olacağına söz verib.”
TodayPress TV xəbər verir ki, o, bu fikirləri təbrik mesajında səsləndirib.
"Seçkilər azad, ədalətli və demokratik olacaq və xalq qalib gələcək, Ermənistan Respublikası qalib gələcək”, - deyə Paşinyan bildirib.
Baş nazirin sözlərinə görə, 2026-cı il konsolidasiya və birlik ili olacaq. O vurğulayıb ki, bu seçkilərdə Ermənistan vətəndaşları “yaratdıqları dünyanı, qurduqları dövləti və xalq hakimiyyətini qeyd-şərtsiz müdafiə etməlidirlər”.
Qeyd edək ki, Ermənistanda parlament seçkiləri 2026-cı il iyunun 7-də keçiriləcək.
Aysel Mətləb
