Pakistanda güclü partlayış baş verdi
Pakistanın Kəraçi şəhərində yaşayış binasında partlayış baş verib.
TodayPress TV xəbər verir ki, bu barədə Pakistan KİV-ləri məlumat yayıb.
Məlumata görə, hadisə nəticəsində qadın və uşaqlar da daxil olmaqla 16 nəfər həlak olub, 14 nəfər isə yaralanıb. Binanın bir hissəsi dağılıb.
Partlayışın baş verdiyi əraziyə çoxlu sayda xilasetmə qrupu cəlb edilib. Xilasedicilər dağıntılar altında qalanları çıxarmağa çalışırlar.
Partlayışın qaz sızması nəticəsində baş verdiyi ehtimal olunur.
Jalə Rövşən
