Norveçdə 2025-ci il tarixdə ən isti il kimi qeydə alındı
Norveç Meteorologiya İnstitutu 2025-ci ilin ölkə tarixində qeydə alınan ən isti il olduğunu açıqlayıb.
TodayPress TV xəbər verir ki, bu barədə "AFP" məlumat yayıb.
Buna səbəb kimi güclü yay istiləri və ilin sonunda müşahidə olunan qeyri-adi dərəcədə mülayim qış göstərilir.
İqlim dəyişikliyinin təsirlərini göstərən faktlardan biri Arktikada yerləşən Şpitsbergen arxipelaqının Lonqyirbyen şəhərində dekabrın 22-də temperaturun 4°C-yə çatması olub. Həmin gün Sevilyada 3°C, Ankarada isə 1°C qeydə alınıb.
Rəsmi məlumatlara əsasən, 2025-ci ildə Norveçdə orta temperatur 1991–2020-ci illərin norması ilə müqayisədə 1,5°C, sənayeləşmədən əvvəlki dövrlə müqayisədə isə 2,8°C daha yüksək olub.
Türkan İsgəndərli
