Netanyahunun oğlu soyadından imtina etdi
İsrailin Baş naziri Benyamin Netanyahunun böyük oğlu Yair Netanyahu rəsmi olaraq adını və soyadını dəyişib.
TodayPress TV xəbər verir ki, bu barədə "Haaretz" qəzeti İsrail Vergilər İdarəsinin sənədlərinə istinadən məlumat yayıb.
Məlumata görə, son ilyarım ərzində Yair Netanyahu adını Yonatan Hon olaraq dəyişib. Bununla belə, onun şəxsiyyət vəsiqəsinin nömrəsi əvvəlki kimi qalıb.
Qəzet qeyd edir ki, Yair Netanyahu əvvəllər də sosial şəbəkələrdə Yair Hoon adından istifadə edib. "Hoon" onun anası Sara Netanyahunun atasının ailəsinə məxsus köhnə soyadıdır.
Nəşr xatırladır ki, təxminən beş il əvvəl Benyamin Netanyahunun digər oğlu Avner Netanyahu da adını dəyişərək Avi Seqal edib. Bildirilir ki, o, bu ad altında İngiltərənin Oksford şəhərində 502 min funt sterlinq dəyərində mənzil alıb.
Məlumata görə, Benyamin Netanyahu özü də 1980-ci illərdə ABŞ-də yaşadığı dövrdə Ben Nitay adından istifadə edib. O, bunu Amerikada yaşamağı planlaşdırdığı və tələffüzü daha asan olan ad seçmək istəyi ilə izah edib.
Qiymət Mahir
