Netanyahu dünya ölkələrini İrana qarşı hücumlara qoşulmağa çağırdı

İsrailin Baş naziri Benyamin Netanyahu dünya liderlərini İrana qarşı İsrail-Amerika əməliyyatına qoşulmağa çağırıb.

TodayPress TV "TASS"a istinadən xəbər verir ki, o, bu açıqlamanı İsrailin cənubundakı Arad şəhərində İran raketinin düşdüyü yerə səfəri zamanı verib.

"Bütün dünyanı təhdid edən bu rejimin dayandırılmasının vacibliyinə dair daha hansı sübuta ehtiyacınız var? İsrail və ABŞ dünyanın qalan hissəsi ilə birlikdə işləyir. Və digər ölkələrin liderlərinin də qoşulmasının vaxtıdır. Bəzilərinin bu istiqamətdə hərəkət etməyə başladığını bildirməkdən məmnunam, amma daha çox şeyə ehtiyac var", - deyə Baş nazir bildirib.