Merts Trampla İran məsələsini müzakirə edəcək
Almaniya kansleri Fridrix Merts qarşıdakı Vaşinqton səfəri zamanı Yaxın Şərqdə, xüsusilə İran ətrafında yaranmış vəziyyəti ABŞ Prezidenti Donald Trampla müzakirə edəcəyini bildirib.
TodayPress TV "Reuters"ə istinadən xəbər verir ki, o, bu barədə Berlində keçirilən mətbuat konfransındakı çıxışında deyib.
Kansler qeyd edib ki, məsələ ilə bağlı martın 3-də Vaşinqtonda Ağ evdə görüş zamanı ətraflı danışacaq.
Merts əlavə edib ki, o, Avropa və Yaxın Şərqdəki tərəfdaşlarla da sıx təmasdadır.
Kansler ABŞ-yə səfərini bazar ertəsi başlayacaq. Martın 3-də Ağ evdə Trampla danışıqlar nəzərdə tutulur. Bu, Mertsin 2025-ci ilin mayında vəzifəyə başlamasından bəri ABŞ-yə üçüncü səfəri olacaq.
Jalə Rövşən
