Mali Silahlı Qüvvələri ordu mövqelərinə hücum edən yaraqlıları məhv etdi
Mali Silahlı Qüvvələri gün ərzində ölkə boyu hökumət qoşunlarının bir sıra mövqelərinə hücum edən azı 80 yaraqlını məhv edib.
TodayPress TV xəbər verir ki, bunu Mali Ordusunun nümayəndəsi Süleyman Dembele ölkənin İctimai Televiziyasında açıqlayıb.
Məlumata görə, əməliyyat zamanı azı 80 yaraqlı, həmçinin onların silahları və nəqliyyat vasitələri məhv edilib.
"Düşmən təhlükəsizlik və müdafiə qüvvələri ilə döyüşə girdiyi hər bir istiqamətdə böyük itkilər verib", - deyə Dembele bildirib.
Mali Silahlı Qüvvələrinin Baş Qərargahı yaraqlıların bütün hücumlarının dəf olunduğunu və hakimiyyətin ölkədə vəziyyətə tam nəzarət etdiyini açıqlayıb.
