Kanada 2050-ci ilə hazırlaşır: Enerji istehsalında rekord artım planı
Kanada artan tələbatı qarşılamaq və enerji dayanıqlığını gücləndirmək üçün yaxın iyirmi il ərzində elektrik enerjisi istehsalını iki dəfə artırmağı planlaşdırır.
TodayPress TV xəbər verir ki, b u barədə Kanadanın Baş naziri Mark Karni Ottavada keçirilən mətbuat konfransında məlumat verib.
"Kanadada elektrik enerjisinə olan tələbatın 2050-ci ilə qədər iki dəfə artacağı gözlənilir, buna görə də biz enerji şəbəkəmizi ikiqat genişləndirəcəyik. Münasib qiymətə gedən yol elektrikləşdirmədən keçir", - deyə o əlavə edib.
Karni qeyd edib ki, elektrikləşdirmə Kanadanın iqtisadi və ekoloji strategiyasında mərkəzi rol oynayacaq:
"Rəqabət qabiliyyətinə gedən yol elektrikləşdirmədir. Bu proses hər şeyin — emissiyalarımızın, ətraf mühitimizin, iqtisadiyyatımızın və təkamülümüzün təməlini təşkil edir".
Aysel Mətləb
