İstanbulda atəşfəşanlıq qadağan edildi

İstanbul Qubernatorluğu şəhərdə artan istilər və bu səbəbdən çoxalan meşə yanğınları fonunda yeni qaydalar tətbiq etməyə başlayıb.

TodayPress TV xəbər verir ki, bu barədə "TRT Haber" məlumat yayıb.

Bildirilib ki, fişəng, məşəl və bu qəbildən olan partlayıcı-yandırıcı maddələrin satışı və istifadəsi 29 iyul 2025-ci il tarixindən etibarən 28 oktyabr 2025-ci ilə qədər qadağan olunub.

İstanbul Qubernatorluğu vurğulayıb ki, bu qadağanın icrasına nəzarət məqsədilə polis, jandarma və digər hüquq-mühafizə orqanları tərəfindən mütəmadi yoxlamalar həyata keçiriləcək. Qanuna zidd davranan fiziki və hüquqi şəxslər barədə isə hüquqi tədbirlər görüləcək.

Töhfə Səməd