İsrail ordusu “Hizbullah”ın cənub Livandakı komandirini zərərsizləşdirdi

İsrail Müdafiə Qüvvələri “Hizbullah”ın “Bədr” dəstəsinin cənub Livandakı sahə komandiri Hüseyn Əli Mujiri məhv edib.

TodayPress TV xəbər verir ki, bu barədə İsrail ordusunun mətbuat xidməti məlumat yayıb.

Ordu rəsmilərinin açıqlamasına görə, Mujir yaxın vaxtlarda “Hizbullah”ın cənub Livanda artilleriya qüvvələri yerləşdirməyə cəhd göstərən əməliyyatlarında birbaşa iştirak edib. Bu hərəkət isə İsrail və Livan arasında qüvvədə olan atəşkəs razılaşmalarının kobud şəkildə pozulması kimi qiymətləndirilib.

Bəyan edilib ki, İsrailə qarşı istənilən təhlükəni aradan qaldırmaq məqsədilə əməliyyatlar davam etdiriləcək.

Qiymət Mahir