İrandan Ursula fon der Lyayenə sərt tənqid: “Sanksiyalar qeyri-insanidir”
İran Xarici İşlər Nazirliyinin sözçüsü İsmail Bəqai Avropa Komissiyasının sədri Ursula fon der Lyayeni İrana qarşı tətbiq edilən və onun "qeyri-insani" kimi xarakterizə etdiyi sanksiyalar barədə verdiyi bəyanatlara görə tənqid edib.
TodayPress TV xəbər verir ki, bu barədə o, “X”də yazıb.
Bəqai bəyanatlara qarşı çıxaraq bildirib ki, həmin sanksiyalar iranlıların təməl hüquqlarını əzmək üçün hazırlanıb. O əlavə edib ki, fon der Lyayenin şərhləri yalnız Avropanın hakim sinfinin ikili standartlarını nümayiş etdirir.
Xatırladaq ki, fon der Lyayen Berlindəki mətbuat konfransında insan hüquqları pozuntularına görə İrana tətbiq edilən sanksiyaların ləğvi üçün hələ tez olduğunu bildirib. O, sanksiyaların dayandırılması üçün köklü dəyişikliklərin lazım olduğunu vurğulayıb.
Aysel Mətləb
