İran yeni "Haj Qasem" raketlərindən istifadə etdi
İran İslam İnqilabı Keşikçiləri Korpusu (SEPAH) İsrailə qarşı yeni hücum dalğasında ilk dəfə olaraq yeni "Haj Qasem" ballistik raketindən istifadə edib.
TodayPress TV xəbər verir ki, bu barədə İranın “Tasnim” xəbər agentliyi məlumat yayıb.
Bildirilib ki, raket mərhum komandir Qasım Süleymaninin adını daşıyan qabaqcıl dəqiq idarə olunan silah kimi təsvir edilib.
Nəşrin məlumatına görə, SEPAH hücumların Beyt-Şemeş, Təl-Əviv və Qüdsdəki obyektləri hədəf aldığını iddia edib. Həmçinin, raket zərbələrinin Qətər, Küveyt, Birləşmiş Ərəb Əmirlikləri və İraqdakı obyektlər də daxil olmaqla, ABŞ-nin bölgədəki hərbi bazalarına endirildiyi vurğulanıb.
Aysel Mətləb
