III Çarlz xalqa müraciət edəcək
Britaniya Kralı III Çarlz yaxın günlərdə xalqa gözlənilməz bir müraciət edəcək.
TodayPress TV xəbər verir ki, bu barədə “Daily Mirror” qəzeti məlumat yayıb.
Bildirilir ki, kralın çıxışı Yaponiyaya qarşı Qələbə Gününün 80 illiyi və İkinci Dünya Müharibəsinin başa çatması münasibətilə olacaq.
“Kral Çarlz çıxışı zamanı babası Kral VI Corcun 15 avqust 1945-ci ildə səsləndirdiyi və azadlıq uğrunda həyatını qurban vermiş minlərlə britaniyalı əsgərin xatirəsinə ehtiram ifadə edən sözlərini təkrarlayacaq”, – deyə məlumatda bildirilib.
Nəşrin mənbəsi əlavə edib ki, kral bu çıxışın mətnini şəxsən özü qələmə alıb. Məqsəd isə “ən böyük nəsil”in fədakarlığına öz münasibətini xüsusi olaraq vurğulamaqdır.
Töhfə Səməd
