Fransa “nikah borcu” anlayışından imtina edir
Fransa “nikah borcu” anlayışını qanunvericilikdən çıxarmağa hazırlaşır.
TodayPress TV xəbər verir ki, bu barədə "AFP" məlumat yayıb.
Məlumata görə, Milli Assambleyanın dəstəkləməsi gözlənilən yeni qanun layihəsi ər-arvad arasında intim münasibətlərlə bağlı hər hansı hüquqi öhdəliyi ləğv edəcək.
Qanun layihəsində qeyd olunur ki, birgə yaşayış ər-arvad üzərində cinsi münasibətdə olmaq kimi bir öhdəlik yaratmır. Təşəbbüs milli qanunvericiliyi şəxsi azadlıq və qarşılıqlı razılıq prinsipləri ilə uyğunlaşdırmağı məqsəd qoyur.
Hazırda Fransa Mülki Məcəlləsində “nikah borcu” termini açıq şəkildə yer almasa da, bəzi məhkəmələr “ailə həyatı saxlamaq” öhdəliyini cinsi münasibət öhdəliyi kimi şərh ediblər.
Türkan İsgəndərli
