Finlandiyada təyyarə qəzası baş verdi

Finlandiyanın Satakunta bölgəsinin Jamijarvi qəsəbəsində aviasiya qəzası baş verib.

TodayPress TV xəbər verir ki, bu barədə "Yle" məlumat yayıb.

İlkin məlumata görə, hadisə Sormelantie yolunda baş verib və qəza “orta səviyyəli” hadisə kimi qiymətləndirilib.

Fövqəladə hallara dair bildiriş yerli vaxtla saat 10-dan (Bakı vaxtı ilə 11 - red.) sonra daxil olub.

Satakunta Yanğınsöndürmə Xidmətindən verilən açıqlamaya əsasən, qəzanın miqyası barədə hələlik dəqiq məlumat yoxdur.

Qəzanın baş verdiyi ərazidə ümumi aviasiya məqsədilə fəaliyyət göstərən və yay aylarında intensiv şəkildə istifadə olunan Jamijarvi hava limanı yerləşir.

Hadisə ilə bağlı məlumatlar yenilənəcək.

Töhfə Səməd