Ərdoğan: “Böyük bir fəlakətlə üz-üzə qaldıq”
Türkiyə Prezidenti Rəcəb Tayyib Ərdoğan meşə yanğınları fonunda jurnalistlərin suallarını cavablandırıb.
TodayPress TV xəbər verir ki, o bildirib ki, hadisə zamanı yanğınsöndürənlər əllərindən gələni etsələr də, onlardan bəziləri həlak olublar.
“Böyük bir fəlakətlə üz-üzə qaldıq. Bu fəlakətdə bütün yanğınsöndürən qəhrəmanlarımız əllərindən gələni etdilər", - deyə Ərdoğan bildirib.
O, həlak olanların ailələrinə başsağlığı verib.
Ərdoğan qeyd edib ki, hazırda Karabük, Safranbolu, Antalya (Qazipaşa), Uşak və Sivaslıda meşə yanğınları davam edir. Söndürmə işlərinə 27 təyyarə, 105 helikopter və 25 minə yaxın şəxsi heyət cəlb olunub.
Türkan İsgəndərli
