Ekspert: "ABŞ sualtı qayıqlarla bağlı Türkiyədən icazə almalıdır"
ABŞ Qara dənizdə nüvə sualtı qayıqlarını yerləşdirmək istəsə, bunun üçün Türkiyədən icazə almalıdır.
TodayPress TV xəbər verir ki, bu barədə Türkiyənin “Türkiye” qəzeti beynəlxalq hüquq ekspertlərinə istinadla yazıb.
Bildirilir ki, bu məhdudiyyətlər Montrö Boğazlar Konvensiyası ilə müəyyən olunub.
Beynəlxalq hüquq üzrə ekspert Hakkı Hakan Erkiner qeyd edib ki, konvensiya Qara dənizə daxil olan hərbi gəmilərin sayını və bölgədə qalma müddətini məhdudlaşdırır.
Ekspertin sözlərinə görə, həmin sənəd Qara dənizdə sualtı qayıqların yerləşdirilməsinə və daimi mövcudluğuna da icazə vermir. O bildirib ki, Türkiyə belə bir icazə verməyəcək.
Türkan İsgəndərli
