Britaniya uçan taksiləri istifadəyə verir
Britaniyanın aerokosmik şirkəti "Vertical Aerospace" 2028-ci ildə Londonda Valo adlı elektriklə işləyən uçan taksiləri istifadəyə verməyi planlaşdırır.
TodayPress TV bildirir ki, bu barədə məlumatı “Independent” qəzeti yayıb.
Valo modeli 6 sərnişin daşıya bilir, 160 km-ə qədər uçur və 257 km/saat sürətlə hərəkət edir. Şirkət növbəti üç il ərzində lazımi icazələri alacağını gözləyir.
İlk mərhələdə uçan taksilər əsasən hava limanları və iri şəhərlər arasında fəaliyyət göstərəcək. Xidmət əvvəlcə premium olacaq, lakin istehsal artdıqca qiymətlərin adi taksi səviyyəsinə enəcəyi gözlənilir.
Türkan İsgəndərli
