Boçorişvili: "Azərbaycan Gürcüstan üçün vacib tərəfdaşdır"
Azərbaycan Gürcüstan üçün vacib tərəfdaşdır və bu sıx münasibətlər həmçinin ən yüksək səviyyədə gündəlik siyasi dialoq tələb edir.
TodayPress TV xəbər verik ki, bu barədə Gürcüstanın xarici işlər naziri Maka Boçorişvili Aşxabadda jurnalistlərə açıqlamasında bildirib.
Onun sözlərinə görə, iki ölkə arasında çox mühüm ikitərəfli gündəlik var.
“Gürcüstanla Azərbaycan arasında siyasi-iqtisadi münasibətlərlə bağlı məsələlərin ən yüksək səviyyədə müzakirə edilməsi vacib əhəmiyyət daşıyır”, - nazir əlavə edib.
Qeyd edək ki, bu gün Aşxabadda Azərbaycan və Gürcüstanın Baş nazirləri – Əli Əsədov və İrakli Kobaxidze arasında görüş baş tutub.
