Baş katib: "Kamboca-Tailand sərhədindəki vəziyyətdən narahatıq"

"Kamboca-Tailand sərhədində baş verən hadisələrdən və yaranan vəziyyətdən dərin narahatlıq duyuruq".

TodayPress TV xəbər verir ki, bunu Asiyada Qarşılıqlı Fəaliyyət və Etimad Tədbirləri üzrə Müşavirənin (CİCA) Baş katibi Kairat Sarybay deyib.

"Hər iki CİCA üzv dövlətini əlavə gərginliyin artmasından çəkinməyə və BMT Nizamnaməsi ilə CİCA prinsiplərinə uyğun olaraq, dialoq və diplomatiya yolu ilə sülh yolu tapmağa çağırırıq", - deyə o bildirib.

Qeyd edək ki, Kamboca-Tailand sərhədində 2 gündür ki, vəziyyət gərgin formada qalmaqdadır. Tərəflər bir-birini sərhəddi pozmaqda ittiham edir. Baş verən qarşıdurma nəticəsində 20-dən çox insan həyatını itirib.  

Töhfə Səməd