Banqladeş Hindistanla imzalanan 21 milyonluq sazişi ləğv etdi

Banqladeş Hindistan gəmiqayırma şirkəti "Garden Reach Shipbuilders & Engineers" (GRSE) ilə imzalanan gəmi müqaviləsini ləğv edib.

TodayPress TV xəbər verir ki, bu barədə “Economic Times” qəzeti yazıb.

2024-cü ildə imzalanan 21 milyon dollarlıq müqavilə Hindistanın müdafiə satınalmaları üçün 500 milyon dollarlıq kredit xətti çərçivəsində ilk böyük müqavilə idi.

Saziş Banqladeşin keçmiş Baş naziri Şeyx Hasina 2024-cü ilin avqustunda vəzifəsini tərk etdikdən sonra Yeni Dehli və Dəkkə arasında münasibətlərdə yaranan gərginlik fonunda ləğv edilib.

Ölkənin yeni hakimiyyət orqanları Çin və Pakistanla yaxınlaşmağa başlayıblar ki, bu da Hindistanda narahatlığa səbəb olub.