Avropa Ukrayna üçün ABŞ-dən hücum silahları ala bilər

ABŞ-nin NATO üzrə müttəfiqləri Ukraynaya təkcə müdafiə deyil, həm də hücum xarakterli silahlar vermək məqsədilə Vaşinqtondan alışlar edə bilərlər.

TodayPress TV xəbər verir ki, bu barədə “Axios” portalı mənbələrə istinadla məlumat yayıb.

Portalın yazdığına görə, söhbət hava hücumundan müdafiə sistemləri ilə yanaşı, hücum silahlarının da Ukraynaya ötürülməsi imkanından gedir. Mənbələr bildiriblər ki, bu mexanizm artıq müzakirə edilib, lakin hücum silahlarının ötürülməsi ilə bağlı hələlik yekun qərar qəbul olunmayıb.

Qeyd olunur ki, ABŞ prezidenti Donald Tramp vəzifəyə başladığı gündən bəri Ukraynaya yeni silah tədarükünü təsdiqləməyib.

Qiymət Mahir