Avropa İttifaqı İrana qarşı yeni sanksiyalar tətbiq etdi
Avropa İttifaqı (Aİ) xarici işlər nazirləri İrana qarşı etirazların yatırılmasında iştirak edən fərdləri və qurumları hədəf alan yeni sanksiyalar qəbul ediblər.
TodayPress TV xəbər verir ki, bu barədə “German Press” məlumat yayıb.
Məlumata görə, sanksiyalar təxminən 30 fiziki və hüquqi şəxsə şamil olunub. Onların adları tezliklə Aİ-nin Rəsmi Jurnalında dərc olunacaq.
Bildirilib ki, məhdudiyyətlərə təsirlənmiş fiziki və hüquqi şəxslərin Aİ-də yerləşən aktivlərinin dondurulması, Aİ vətəndaşları və şirkətlərinin maliyyə resurslarının təmin edilməsinin qadağan edilməsi və Aİ ölkələrinə girişin qadağan edilməsi daxildir.
Yeni sanksiyalar paketi müzakirəsiz qəbul edilib.
Aysel Mətləb
