Aksiya zamanı izdiham onlarla insanın həyatına son qoydu
Hindistanın Tamilnadu ştatında keçirilən mitinqdə böyük izdiham yaşanıb. Nəticədə azı 40 nəfər həlak olub, 95 nəfər isə yaralanıb.
TodayPress TV “Hindustan Times”a istinadən xəbər verir ki, hadisə Karur dairəsində “Tamiqlaqa Vetti Kajagam” (TVK) partiyasının lideri və tanınmış aktyor Vijayın çıxışı zamanı baş verib.
Lider tərəfdarlarına müraciət edərkən meydanda sıxlıq yaranıb və nəzarətdən çıxıb.
Qeyd edək ki, hadisə yerinə çoxlu sayda təcili yardım briqadaları və xilasedici qruplar göndərilib. Rəsmi qurumlar faciə ilə bağlı araşdırmaya başlayıb. İlkin ehtimallara əsasən, izdihama tədbirin təşkilindəki zəif təhlükəsizlik tədbirləri səbəb olub.
Jalə Rövşən
