Ağ Evdə “dava” olmadı

ABŞ maliyyə naziri Skott Bessent və məşhur sahibkar İlon Mask arasında mübahisə olub, lakin fiziki qarşıdurma baş verməyib. 

TodayPress TV xəbər verir ki, bu barədə “Fox News”a açıqlamasında Ağ Evin mətbuat katibi Kerrolayn Livitt bildirib.

Livitt hadisəni “yumruq davası” kimi qiymətləndirməyin doğru olmadığını deyib, baxmayaraq ki, tərəflər arasında ciddi fikir ayrılığı yaşanıb. O, insident zamanı orada olmadığını və baş verənləri birbaşa görmədiyini də vurğulayıb.

Ağ Evin sözçüsü əlavə edib ki, qarşıdurma barədə məlumatı hadisəyə şahidlik edən digər şəxslərdən alıb. İnsidentin detalları ictimaiyyətə açıqlanmasa da, bu, son günlər Vaşinqtonun siyasi kuluarlarında geniş müzakirə olunur.

Qiymət Mahir