ABŞ-Yaponiya münasibətlərində ciddi böhran yaşanır
ABŞ və Yaponiya arasında müttəfiqlik münasibətləri son 25 ilin ən böyük böhranı ilə qarşı-qarşıyadır. Səbəb prezident Donald Trampın sərt ticarət siyasətidir.
TodayPress TV xəbər verir ki, bu barədə "The Financial Times" yüksək vəzifəli mənbələrə istinadla yazıb.
Nəşrə görə, Vaşinqtonun təzyiq siyasəti və Tokio hökumətinin yeni şərtlərə uyğunlaşa bilməməsi ticarət və təhlükəsizlik sahələrindəki problemləri bir-birinə qarışdıraraq sabitliyi poza bilər.
“Asiya Qrupu” konsaltinq şirkətinin eksperti Kristofer Conson bildirib ki, Yaponiyada Tramp administrasiyası ilə bağlı belə bir fikir formalaşıb:
“Onlar üçün heç nə müqəddəs deyil”.
Ekspert xatırladıb ki, ABŞ-Yaponiya münasibətlərində sonuncu ciddi böhran 1990-cı illərin sonunda — Soyuq müharibədən sonra yaşanmışdı. Həmin vaxt ticarət mübahisələri ilə yanaşı, müttəfiqlik modelinə dair fundamental suallar ortaya çıxmışdı.
“Yapon rəsmilərinin bu qədər narahat olduğu bir vaxtı xatırlamıram”, – deyə Conson vurğulayıb.
Qiymət Mahir
