ABŞ qırıcıları İran gəmilərini hədəf aldı - İTKİLƏR VAR
ABŞ qırıcıları ötən gecə İran gəmilərinə hücumu edib.
TodayPress TV xəbər verir ki, bu barədə Bəndər Ləngə qubernatorluğu bildirib.
Məlumata görə, ümumilikdə 20 nəfərin olduğu 6 İran yük və balıqçı gəmisi ABŞ qırıcılarının hücumuna məruz qalıb.
Bildirilib ki, hadisə nəticəsində 6 nəfər yaralanaraq Oman Sultanlığının Xəsəb xəstəxanasına çatdırılıb. Bundan əlavə, daha 6 nəfərin itkin düşdüyü bildirilir. Digər ekipaj üzvlərinin vəziyyətinin normal olduğu qeyd olunub.
Son məlumata görə, yaralıların vəziyyəti qənaətbəxş qiymətləndirilir.
Qeyd edək ki, ötən gecə İran Silahlı Qüvvələri ilə ABŞ-a məxsus gəmilər arasında Hörmüz boğazı ətrafında ikinci gecə ardıcıl olaraq lokal toqquşmalar davam edib.
Jalə Rövşən
