ABŞ-də idarə rəisi istefa verdi: Səbəb dözülməz iş şəraitidir

ABŞ Sosial Təminat İdarəsinin baş məlumat məsuliyyəti vəzifəsini tutan Çarls Borges işindən istefa verib. 

TodayPress TV xəbər verir ki, bu barədə "CNN" məlumat yayıb. 

Borges, ABŞ Hökumətinin Səmərəliliyi İdarəsinin (DOGE) ölkə vətəndaşlarının sosial təminat məlumatlarını riskə atdığı barədə etdiyi xəbərdarlıqdan bir neçə gün sonra, "dözülməz iş şəraiti" səbəbindən vəzifəsindən ayrıldığını açıqlayıb.

O, istefa məktubunda qurumun ona qarşı "qanuni və etik baxımdan işini görməsini mümkünsüz edən" və onu böyük çətinliyə salan hərəkətlər etdiyini bildirib. 

Borges idarənin yeni təyin olunan rəhbərlərinin minimum məlumat paylaşımı, işçilərin işdən çıxarılması barədə tez-tez müzakirələr və ümumi təşkilati funksional pozuntular səbəbindən panika və qorxu mühiti yaratdığını vurğulayıb. Federal qanun və qaydaları pozmaq potensialı olan layihə və hadisələr haqqında daha çox məlumat tələb etməsinə baxmayaraq, onun müraciətlərinin rədd edildiyini və ya gözardı edildiyini qeyd edib.

Sosial Təminat İdarəsi isə işçi məsələləri ilə bağlı şərh verməyib.

Töhfə Səməd