ABŞ Belarusa qarşı bəzi sanksiyaları ləğv etdi
Vaşinqton Belarus Maliyyə Nazirliyi, “Belinvestbank”, İnkişaf Bankı, Belarus “Potash” Şirkəti və “Belaruskalin”ə qarşı sanksiyaları ləğv edib.
TodayPress TV xəbər verir ki, bu barədə “BelTA” məlumat yayıb.
Bildirilib ki, qərar ABŞ-nin xüsusi nümayəndəsi Con Koul və Belarus Prezidenti Aleksandr Lukaşenko arasında danışıqlardan sonra verilib.
ABŞ-nin xüsusi nümayəndəsi bu qərarların hüquqi rəsmiləşdirilməsi üçün dəqiq bir müddət göstərməyib. Lakin o, bu dəfə "hər şeyin xeyli sürətlə gedəcəyinə" söz verib. Nümayəndə bildirib ki, Minskə səfərindən əvvəl ABŞ Maliyyə Nazirliyi və sanksiyaların tətbiqində iştirak edən digər Amerika qurumları ilə geniş danışıqlar aparılıb.
Aysel Mətləb
