Kəpəyə qarşı effektiv mübarizə yolları nələrdir?

Mütəxəssislər kəpəyin ən yayılmış saç problemlərindən biri olduğunu və onun əsas səbəblərinin yağlı və ya quru dəri, stress, hormon balanssızlığı, eləcə də uyğun olmayan saç baxımı məhsulları olduğunu bildirirlər.

TodayPress TV xəbər verir ki, kəpəklə mübarizədə ən vacib addım uyğun şampun seçimidir.

Antikəpək tərkibli şampunlar (məsələn, sink pirition, ketokonazol və ya selensulfid əsaslı) müntəzəm istifadə olunduqda nəticə verə bilər.

Həkimlər həmçinin saç dərisinin həddindən artıq qurudulmasından, tez-tez fen və ya kimyəvi vasitələrdən istifadədən çəkinməyi, düzgün qidalanma və stressin azaldılmasını tövsiyə edirlər.

Kəpək uzun müddət davam edərsə və ya qaşınma, qızartı ilə müşayiət olunarsa, dermatoloqa müraciət edilməsi vacibdir, çünki bu, dəri xəstəliklərinin əlaməti ola bilər.

Türkan İsgəndərli