Alimlər: Ürək riski qadınlarda sümük sınığı ilə bağlıdır
Alimlər ürək-damar xəstəlikləri riski yüksək olan qadınlarda bud sümüyü sınıqlarının daha tez-tez baş verdiyini müəyyən edib.
TodayPress TV xəbər verir ki, bu barədə ABŞ-də yerləşən Tulane Universitetinin Tibb Məktəbinin araşdırması “The Lancet Regional Health – Americas” jurnalında dərc olunub.
Tədqiqat zamanı alimlər “PREVENT” adlı risk qiymətləndirmə alətindən istifadə edərək 21 mindən çox qadının məlumatlarını analiz ediblər.
Nəticələr göstərib ki:
— yüksək ürək riski olan qadınlarda bud sümüyü sınığı ehtimalı 93% daha yüksəkdir
— orta risk qrupunda isə bu göstərici 33% çoxdur
Bundan əlavə, yüksək riskli qadınlarda sınıqlar daha erkən yaşda baş verir.
Alimlər bu əlaqəni bir neçə faktorla izah edir:
— xroniki iltihab
— kalsium mübadiləsinin pozulması
— ateroskleroz səbəbindən sümük toxumasına qan axınının azalması
— menopauzadan sonra estrogen səviyyəsinin düşməsi
Tədqiqat müəllifləri qeyd edir ki, ürək və sümük sağlamlığını qorumaq üçün eyni profilaktik tədbirlər effektivdir:
— fiziki aktivlik
— balanslı qidalanma
— kalsium və "D" vitamini qəbulu
— siqaretdən imtina
Onların fikrincə, bu amillər həm ürək-damar xəstəliklərinin, həm də sümük sınıqlarının riskini azalda bilər.
Qiymət Mahir
