MSK siyasi partiyaların illik maliyyə hesabatlarını qəbul edir
Azərbaycanda dövlət qeydiyyatına alınan siyasi partiyaların 2025-ci il üzrə maliyyə hesabatlarının qəbul olunmasına başlanılıb.
Bu barədə TodayPress TV-yə Mərkəzi Seçki Komissiyasından (MSK) bildirilib.
Qeyd edilib ki, qanunvericiliyin tələblərinə uyğun olaraq, artıq yanvarın əvvəlindən bu prosesə start verilib. Siyasi partiyalar ötən il üzrə maliyyə hesabatlarını aprelin 1-dən gec olmayaraq MSK-ya təqdim etməlidirlər.
Qanunvericiliyə əsasən siyasi partiyaların maliyyə hesabatları MSK-nın rəsmi internet səhifəsində yerləşdirilməklə ictimailəşdirilir.
