Vyetnamın ixrac–idxal gəlirləri artdı

Vyetnamın dövlət büdcəsinin ixrac və idxal əməliyyatlarından əldə etdiyi gəlir 2025-ci ilin ilk on ayında ötən ilin eyni dövrü ilə müqayisədə 9,3 faiz artaraq 379,8 trilyon vyetnam donquna (təxminən 15,12 milyard ABŞ dolları) çatıb.

TodayPress TV xəbər verir ki, bu barədə “Vietnam News Agency” ölkənin Gömrük Departamentinə istinadən məlumat yayıb.

Hesabatda bildirilir ki, əldə olunan göstərici illik proqnozun 92,4 faizini, müəyyən edilmiş hədəfin isə 80,8 faizini təşkil edir.

Yanvar–oktyabr ayları ərzində ölkənin ümumi ixrac–idxal dövriyyəsi 762,44 milyard dollara yüksələrək illik müqayisədə 17,4 faiz artım nümayiş etdirib. Bu dövrdə Vyetnam 19,56 milyard dollarlıq ticarət profisiti (artıq ixrac) qeydə alıb.

Qiymət Mahir