Voleybol üzrə U-18 Azərbaycan birinciliyinin yarımfinal oyunları keçirildi
Aprelin 4-ü Azərbaycan Voleybol Federasiyasının idman zalında 18 yaşadək (U-18) qızlar və oğlanlar arasında voleybol üzrə Azərbaycan birinciliyinin yarımfinal oyunları keçirilib.
TodayPress TV xəbər verir ki, qızların yarışında ilk yarımfinal qarşılaşmasında “Lokomotiv” komandası “Oğuz RVK” ilə üz-üzə gəlib.
Rəqibini 3:0 hesabı ilə məğlub edən “Lokomotiv” finala vəsiqə qazanıb. Digər yarımfinal matçında isə “Milli Aviasiya Akademiyası” komandası “Möminə Xatun” üzərində 3:1 hesablı qələbə qazanaraq finala yüksəlib.
Beləliklə, aprelin 5-i keçiriləcək üçüncü yer uğrunda oyunda “Möminə Xatun” və “Oğuz RVK”, final görüşündə isə “Lokomotiv” və “Milli Aviasiya Akademiyası” komandaları qarşılaşacaqlar.
