Ukraynanın Rusiyaya qarşı son hücum strategiyası artıq daha aydın görünür: məqsəd təkcə hərbi obyektləri deyil, bütöv enerji sistemini iflic etməkdir.
TopdayPress TV xarici KİV-ə istinadən xəbər verir ki, bunu hərbi ekspert Aleksandr Musienkon bildirib.
Onun sözlərinə görə, bu yanaşma üç əsas istiqamət üzərindən qurulub və zərbələr bir-biri ilə əlaqəli şəkildə həyata keçirilir.
Birinci istiqamət neft ixracına zərbədir. Bu çərçivədə “kölgə donanması”na aid gəmilər, o cümlədən “Markiz” kimi tankerlər hədəfə alınır. Məqsəd Rusiyanın xarici bazarlara neft çıxarma imkanlarını zəiflətməkdir.
İkinci istiqamət neft emalı infrastrukturudur. Hücumlar nəticəsində bəzi zavod və terminallar demək olar ki, sıradan çıxarılıb. Bu isə həm daxili təchizata, həm də ixraca ciddi təsir göstərir.
Üçüncü istiqamət isə nəqliyyat zənciridir. Neft nasos stansiyaları və logistika xətləri vurularaq xammalın daşınması çətinləşdirilir. Bu üç komponent birlikdə Rusiyanın enerji təminatını və hərbi yanacaq ehtiyatlarını hədəfə alır.
Ekspert hesab edir ki, bu strategiya artıq effektivliyini göstərir və genişləndiriləcək. Bununla yanaşı, rəsmi Moskvanın zərbələrin real nəticələrini gizlətməyə çalışdığı da vurğulanır.
Jalə Rövşən
TopdayPress TV
