Uitkoff Trampın “taktikası”ndan danışdı

ABŞ prezidentinin xüsusi nümayəndəsi Stiv Uitkoff Vaşinqtonun Rusiya və Ukrayna arasında mövqe fərqlərini qismən azalda bildiyini deyib.

TodayPress TV xəbər verir ki, bu barədə o, “ABC” kanalına müsahibəsində danışıb. 

Uitkoffun sözlərinə görə, prezident Donald Trampın tətbiq etdiyi diplomatik taktika işləyir və o, bu xətti davam etdirir: 

“Burada əsas məqsəd tərəflər arasındakı uçurumu daraltmaqdır. Biz bunu müəyyən qədər bacardıq. Hər iki tərəf artıq öz mövqelərini ortaya qoyub”.

Uitkoff həmçinin Tramp və Rusiya prezidenti Vladimir Putin arasında planlaşdırılan telefon danışığının uğurlu keçəcəyinə ümid etdiyini bildirib.

Qiymət Mahir