Türkiyə sahillərində bərədə yanğın çıxdı, 16 nəfər dənizə tullanaraq xilas oldu

İstanbulun Kınalıada sahillərində üzən bir yaxtada naməlum səbəbdən yanğın baş verib.

TodayPress TV xəbər verir ki, bu barədə "TRT Haber" məlumat yayıb. 

Qısa müddətdə alovun güclənməsi səbəbindən yaxtada olan sərnişinlər dənizə tullanaraq canlarını qurtarıb.

Hadisə ilə bağlı məlumat alan Sahil Mühafizəsi Komandanlığına məxsus qruplar dərhal hadisə yerinə göndərilib. Ekipajın vaxtında müdaxiləsi nəticəsində dənizə tullanmış 16 nəfər sağ-salamat sudan çıxarılıb və xilasedici qayıqlara alınaraq sahilə gətirilib.

Hadisə nəticəsində ölən və ya xəsarət alan olmayıb. Yanğının başvermə səbəbi araşdırılır. 

Töhfə Səməd