Tramp: “Zelenski və Putin mövcud ərazi xətləri üzrə razılaşmalıdırlar”
Ukrayna Prezidenti Volodimir Zelenski və Rusiya Prezidenti Vladimir Putin hazırkı ərazi xətləri üzrə müharibəyə son qoymalı və razılığa gəlməlidirlər.
TodayPress TV xəbər verir ki, ABŞ Prezidenti Donald Tramp bu fikri “Truth Social” hesabında paylaşıb:
“Zelenski ilə görüş çox səmimi keçdi. Mən ona dedim ki, Putinə də eyni şeyi demişəm — artıq qətli dayandırmağın və razılaşmanın vaxtıdır”.
O, kifayət qədər qan töküldüyünü vurğulayıb:
“Onlar olduqları yerdə dayanmalıdırlar. Qoy hər ikisi qələbə iddiasında olsun, tarix qərar versin. Hər həftə minlərlə insan ölür. Daha yox, hamı evinə, ailəsinin yanına qayıtsın”.
Jalə Rövşən
